Святость и святые в русской духовной культуре. Том 1.

«чужого», внутреннего и внешнего, импровизационно–личного и канонически–безличного является всегда отмеченным и диагностичным. Собственно этими же свойствами характеризуются не только зоны соприкосновения, контакта указанных двух начал, но и само «чужое» слово, цитата, поскольку она при включении в метрический текст определенной структуры (двенадцатисложник с цезурой после пятого слога) более или менее преобразуется [37]; цитата сокращается, прореживается, допускает перестановку элементов или частичную их замену, короче говоря, она становится неточной цитатой, полуцитатой, парафразой, в той или иной степени усваивается текстом и тексту, превращаясь в «свой» текст, который, однако, сохраняет след своего происхождения.

* * *

ПРИГЛАСИЕ СВЯТОУМУ ЕВАНГЕЛИЮ [38]

Яко пророци / прорекли сутъ прежде,
Хрестъ грядетъ / съберати языкы,
Светъ бо естъ / вьсему миру сему [39]
5–6 Реша бо они / Слепии прозьрятъ,
Глуси слышятъ / слово букьвеное.
Бога же убо / познати достоитъ.
Того же дьл'я / слышите, Словене, си.
10 Даръ бо есть / отъ Бога се данъ.
Даръ Божии / естъ десныя чясти.
Даръ душамъ / николиже тьл'ея.
Душамъ темъ / яже и приимутъ.
Матфеи, Маркъ, / Лука и Іоанъ
15 Учятъ весь / народъ глагол'юште
Елико убо / душамъ си лепоту
Радуете ся / видети и л'юбите.
Греховьную / тьму отогьнати
И мира сего / тьл'ю отъложити,
20 И раискою / житию приобрести,
И избежати / отъ огн'я горушта,
Въньмете ны / от своего ума.
Слышите убо, / народи Словеньсти.
Слышите слово, / отъ Бога бо приде.
25 Слово же кръмя / чловечьскыя душя.
Слово же крепя / и сръдьце и умъ,
Слово готовя / вься Бога познати.
Яко бе–света / радость не будетъ
Оку видяшту / Божию тварь вьсю.
30 Не без лепоты / не видимою естъ,
Тако и душа / вьсека без букъвъ,
Не сведушти / ни закона Божия,
Закона иже / на греховьнааго,
Закона раи / Божии явл'яюшта.
35 Кыи бо слухъ / громьныи тутьнъ
Слышя можетъ / Бога не бояти ся;
Ноздри же пакы / цвета не ухаюштя
Како Божие / чудо разумеютъ;
Уста бо яже / сладъка не чуютъ
40 Яко камена / творятъ человека.
Паче же сего / душа безбукъвьна
Явл'яетъ ся / въ чловецехъ мрътва.
Се же вьсе мы, / братие, съмысляште,
Глагол'емъ вы / съветъ подобьнъ,
45 Иже чловекы / вься отлучитъ
Отъ жития / скотьска и похоти
Да не имуште / умъ неразуменъ.
Туждемь языкомъ / слышяште слово,
Яко медьна / звона гласъ слышите.
50 Се бо святыи / Павелъ учя рече,
Молитву свою / воздая прежде Богу,
Яко·Хошту словесъ / пять издрешти [40],
Да и вьсе братия / разумеютъ,
55 Неже тъму словесъ / неразуменъ.
Чьловекъ бо / не разумевая и
Не прилежитъ / къ притъчи мудреи
Съказаюшти / беседы правы намъ
Яко бо тьл'я / плотехъ настоитъ,
60 Вьсе тьляшти, / паче гноя гнояшти.
Егда своего / брашьна не иматъ.
Тако душа вьсека / опадаетъ,
Жизни Божия / не имушти до века.
Егда словесе / Божия не слышитъ.
65 Ину же пакы / притъчу мудру зело
Да глагол'емъ / подобаштую семя
Хотяште расти / Божиемь растомъ.
Иде бо веры / сеяи естъ правы,
Яко семена / падаюшта на ниве,
70 Тако на сръдьцихъ / чловечьсцехъ.
Дъжда Божии / букъвъ требуюшта
Да въздрастетъ / плодъ Божии паче.
Къто можетъ / притъчя вься решти
Обличаюштя / бес кън'игь языкы,
75 Невегласы я / съмысльне гласяштя.
Ни аште вься / языкы оумеетъ
Можетъ съказати / немошть сихъ.
Обаче свою / притъчу да приставл'ю,
Мъногъ умъ / въ мале речи кажя.
80 Нази бо вьси / бес кън'игь языци.
Брати cя не могуште / без оружия
Съ противьникомъ / душъ нашихъ.
Готовъ пленъ / въ мукы вечныя.
Убо языци / не л'юбяштеи врага,
85 Брати же ся съ н'имъ / мысляште зело.
Отврести двери / умомъ прилежите,
Тверъдо нын'я / оружие имуште