Сохрани и спаси, Госпоже, Великого Господина и Отца нашего (имя), Святейшего Патриарха Московского и всея Руси и Господина нашего (имя), Преосвященнейшего епископа (архиепископа, митрополита) (титул), и вся Преосвященныя митрополиты, архиепископы и епископы правоелавныя. Даждь им Церковь Российскую добре управити, верныя овцы Христовы негиблемы соблюсти. Помяни, Владычице, и весь священнический и монашеский чин, согрей сердца их ревностию о Бозе и достойно звания своего ходити коегождо укрепи. Спаси, Госпоже, и помилуй и вся рабы Твоя и даруй нам путь земнаго поприща без порока прейти. Утверди нас в вере Христовой и во усердии ко Православной церкви, вложи в сердца наша дух страха Божия, дух благочестия, дух смирения, в напастех терпение нам подаждь, во благоденствии – воздержание, к ближним любовь, ко врагом всепрощение, в добрых делех преуспеяние. Избави нас от всякого искушения и от окамененнаго нечувствия, в страшный же день Суда сподоби нас ходатайством Твоим стати одесную Сына Твоего, Христа Бога нашего, Ему же подобает всякая слава, честь и поклонение со Отцем и Святым Духом, ныне, и присно, и во веки веков. Аминь.
7 июля (воскресенье)
24 июня по ст. ст.
Рождество честного славного Пророка, Предтечи и Крестителя Господня Иоанна. Мчч. семи братий: Орентия, Фарнакия, Ероса, Фирмоса, Фирмина, Кириака и Лонгина. Прп. Антония Дымского, Новгородского. Правв. отроков Иакова и Иоанна Менюжских, Новгородских.
О паломничестве
Святыни Вселенского православия находятся в Святой земле – это Иерусалим, Вифлеем, Назарет, Хеврон и другие места и города, связанные с земной жизнью Спасителя.
8 июля (понедельник)
25 июня по ст. ст.
Неделя 3-я по Пятидесятнице. Прмц. Февронии девы. Блгв. кн. Петра, в иночестве Давида, и кн. Февронии, в иночестве Евфросинии, Муромских чудотворцев. Прп. Никона Оптинского, исповедника. Сщмч. Николая и Василия пресвитеров. Сщмч. Василия пресвитера.
Молитва дня: тропарь преподобномученицы Февронии.
Агница Твоя, Иисусе, Феврония зовет велиим гласом: Тебе, Женише мой, люблю, и, Тебе ищущи, страдальчествую, и сраспинаюся, и спогребаюся крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.
9 июля (вторник)
26 июня по ст. ст.
Тихвинской иконы Божией Матери. Прп. Давида Солунского. Сщмч. Георгия пресвитера. Прп. Иоанна, еп. Готфского. Свт. Дионисия, архиеп. Суздальского. Обретение мощей прп. Тихона Луховского, Костромского. Лиддской (Римской), Нямецкой, Седмиезерной икон Божией Матери.
Молитва дня: молитва Божией Матери пред иконой Ее Тихвинской.
Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российским, о нихже ниже самый ангельский язык к похвалению доволен будет. Благодарим Тя, якоже и ныне удивила еси неизреченную Твою милость на нас, недостойных рабех Твоих, преестественным самопришествием Пречистыя Твоея иконы, ею же всю просветила еси Российскую страну. Темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй люди Твоя, и подаждь им победы на вся враги их, и сохрани царствующия грады, и вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся Пресвятому образу Твоему, яко благословенна еси с рождшимся от Тебе Сыном и Богом, ныне, и присно, и во веки веков. Аминь.
10 июля (среда)
27 июня по ст. ст.
Прав. Иоанны мироносицы. Прп. Сампсона странноприимца. Обретение мощей прп. Амвросия Оптинского. Сщмчч. Александра и Владимира пресвитеров. Сщмч. Петра пресвитера. Прп. Севира пресвитера. Прп. Георгия Иверского, Афонского. Прп. Мартина Туровского. Прп. Серапиона Кожеезерского.
Молитва дня: кондак недели жен- мироносиц.
Радоватися мироносицам повелел еси, плач праматере Евы утолил еси Воскресением Твоим, Христе Боже, апостолом же Твоим проповедати повелел еси: Спас воскресе от гроба.
11 июля (четверг)
28 июня по ст. ст.
Перенесение мощей мчч. бессребреников и чудотворцев Кира и Иоанна. Прпп. Сергия и Германа, Валаамских чудотворцев. Сщмч. Василия диакона. Прмц. Севастианы. Сщмч. Григория диакона. Прп. Ксенофонта Робейского. Прп. Павла врача. Иконы Божией Матери, именуемой «Троеручица».
Молитва дня: молитва Божией Матери пред иконой Ее Троеручица.
О, Пресвятая Госпоже Владычице Богородице, велие чудо святому Иоанну Дамаскину явившая, яко веру истинную – надежду несумненную показавшему! Услыши нас, грешных, пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех, чтущих святую икону Твою, да радостно воспоем и любовию прославим имя Твое, яко Ты еси от всех родов избранная и благословенная во веки веков. Аминь.
12 июля (пятница)
29 июня по ст. ст.
Славных и всехвальных первоверховных апостолов Петра и Павла. Свт. Григория, митр. Ираклийского. Касперовской иконы Божией Матери.
Молитва дня: ин кондак славных и всехвальных двенадцати апостолов.
Петра, вернии, каменя веры, похвалим и Павла Богомудраго, созывают бо всех праздновати верою, соборне вкупе вся дванадесяте, яко проповедники вере, просяща грехов оставления.
13 июля (суббота)
30 июня по ст. ст.
Собор славных и всехвальных 12-ти апостолов: Петра, Андрея, брата его, Иакова Зеведеева, Иоанна, брата его, Филиппа, Варфоломея, Фомы, Матфея, Иакова Алфеева, Иуды Иаковля, или Фаддея, Симона Зилота и Матфия. Сщмч. Тимофея пресвитера. Прмч. Феогена. Мч. Иоанна. Прп. Петра, царевича Ордынского (Ростовского). Прославление свт. Софрония, еп. Иркутского. Балыкинской и Горбаневской икон Божией Матери.
Молитва дня: молитва святым апостолам.
Владыко всемогущий, Господи Боже наш, избравый возлюбленныя Своя ученики и апостолы на проповедь спасения всему миру, давый им власть отпущати грехи, приими ходатайства их о роде человеческом, егоже и судити с ними имаши, тех самых, яко другов Твоих, нам зело честных, дерзаем, недостойнии, в предстательство к Тебе, многопоспешествующее ко спасению душ наших, приводити, молящи их усердно. Святии первоверховнии Апостоли Петре и Павле, евангелисти Христовы Иоанне Богослове и Матфее, первозванный учениче Андрее, водружением Креста Россию благословивый, апостоли святии Иакове, брате Господень, со другим Иаковом, Филиппе, Варфоломее, Фомо, Симоне, Иудо и Матфие! Вси святии Богоизбрании апостоли, изряднейшии угодницы Христовы, безбожия искоренителие и веры истинныя насадители, помозите нам мощным вашим пред Господом ходатайством, избавитися от всякаго зла и вражия лести, твердо сохраняти преданную вам веру православную, в нейже вашим предстательством ни ранами, не прещением, ни мором, ни коим гневом от Создателя своего умалени будем, но мирное зде поживем житие и да сподобимся видети благая на земли живых, славяще Отца и Сына и Святаго Духа, единаго в Троице славимаго и покланяемего Бога, ныне, и присно, и во веки веков. Аминь.
14 июля (воскресенье)
1 июля по ст. ст.
Бессребреников Космы и Дамиана, в Риме пострадавших. Сщмч. Аркадия пресвитера. Сщмч. Алексия диакона. Мч. Потита. Прп. Петра патрикия. Прав. Ангелины, деспотиссы Сербской.
Молитва дня: молитва святым бессребренникам и чудотворцам Косьме и Дамиану.
К вам, святии безсребреницы и чудотворцы Космо и Дамиане, яко к скорым помощником и теплым молитвенником о спасении нашем, мы, недостойнии, преклоныпе колена, прибегаем и, припадающе, усердно вопием: не презрите моления нас, грешных, немощных, во многая беззакония впадших и по вся дни и часы согрешающих. Умолите Господа, да пробавит нам, недостойным рабом Своим, великия и богатыя Своя милости; избавите нас от всякия скорби и болезни, вы бо прияли есте от Господа и Спаса нашего Иисуса Христа неоскудную благодать исцелений, ради твердыя веры, безмезднаго врачевания и мученическия кончины вашея. Услышите нас, молящихся, и благоприятным ходатайством вашим испросите у Христа Бога православным людем на враги победу и одоление. Паки, припадающе, прилежно молим: испросите нам от Господа вся благополезная, яже в животе нашем временнем, наипаче же ко спасению вечному служащая, да сподобимся молитвами вашими улучити кончину христианскую, безболезненну, непостыдну, мирну, и да избавимся от козней диавольских и вечныя муки, безконечнаго же и блаженнаго Царствия Небеснаго наследницы будем. Ей, угодницы Божии, не престайте молящеся за ны, с верою к вам притекающия. Аще бо по множеству грехов наших и несмы достойны милосердия вашего, обаче вы, вернии подражателие человеколюбия Божия суще, сотворите, да принесем плоды достойны покаяния и в вечный покой достигнем, хваляще и благословяще дивнаго во святых Своих Господа и Бога и Спаса нашего Иисуса Христа, и Пречистую Матерь Его, и ваше теплое заступление, всегда, ныне, и присно, и во веки веков. Аминь.
15 июля (понедельник)
2 июля по ст. ст.
