Православная Пасха. Светлое Христово Воскресение

И вторый лик поет тойже припев и ирмос.

Таже первый лик поет вторый припев:

Величит душа моя волею страдавша и погребена, и воскресшаго тридневно от гроба.

И ирмос: Светися:

И вторый лик поет тойже припев и ирмос.

Таже первый лик поет третий припев:

Христос новая Пасха, Жертва живая, Агнец Божий, вземляй грехи мира.

И стих.

И вторый лик поет тойже припев и стих.

Таже первый лик поет четвертый припев:

Ангел вопияше Благодатней: Чистая Дева, радуйся, и паки реку, радуйся: Твой Сын воскресе тридневен от гроба, и мертвыя воздвигнувый, людие, веселитеся.

И стих.

И вторый лик поет тойже припев и стих.

И прочих осмь припевов припевают по единожды ко стихом:

Возбудил еси, уснув, мертвыя от века, царски рыкавый яко от Иуды лев.

Магдалина Мариа притече ко гробу и, Христа видевши, яко вертоградаря вопрошаше.

Ангел облистаяй женам вопияше: престаните от слез, яко Христос воскресе.

Христос воскресе, смерть поправый и мертвыя воздвигнувый, людие, веселитеся.

Днесь всяка тварь веселится и радуется: яко Христос воскресе и ад пленися.

Днесь Владыка плени ада, воздвигнувый юзники, яже от века имяше люте одержимыя.

Величит душа моя Триипостаснаго и Нераздельнаго Божества державу.

Радуйся, Дево, радуйся, радуйся, Благословенная, радуйся, Препрославленная: Твой бо Сын воскресе тридневен от гроба.

Последи же первый лик поет паки первый припев и ирмос.

Таже оба лика, сошедшеся вкупе, поют ирмос и тропарь: Христос воскресе – трижды.

ПЕСНЬ 9

Ирмос: Светися, светися, новый Иерусалиме: слава бо Господня на тебе возсия, ликуй ныне и веселися, Сионе. Ты же, Чистая, красуйся, Богородице, о востании Рождества Твоего.

О Божественнаго, о любезнаго, о сладчайшаго Твоего гласа! С нами бо неложно обещался еси быти до скончания века, Христе: Егоже, вернии, утверждение надежди имуще, радуемся.

О Пасха велия и священнейшая, Христе! О мудросте и Слове Божий, и сило! Подавай нам истее Тебе причащатися в невечернем дни Царствия Твоего.

Ектениа и возглас: Яко Тя хвалят вся силы небесныя, Отца и Сына и Святаго Духа, и Тебе славу возсылают, ныне и присно и во веки веков.

Ексапостиларий. Самогласен:

Плотию уснув, яко мертв. Царю и Господи, тридневен воскресл еси, Адама воздвиг от тли и упразднив смерть: Пасха нетления, мира спасение. (Трижды.)

Список использованной литературы

1. Архимандрит Софроний (Сахаров). Видеть Бога как Он есть. Троице-Сергиева лавра, 2006.

2. Библия. М.: Протестант, 1992.

3. Дни особого поминовения усопшего. Православие и мир. 2006. Февраль.

4. Закон Божий. М.: Благовест, 2008.

5. Коринфский А. А. Народная Русь: круглый год сказаний, поверий, обычаев и пословиц русского народа. Смоленск: Русич, 1995.

6. Поведение древних христиан во дни воскресные и праздничные. Ростов-на-Дону, 1997.

7. Святейший Патриарх Кирилл: год в истории. Православие и мир. 2010. Февраль.

8. Святитель Николай Сербский. Миссионерские письма. Московское подворье Свято-Троицкой Сергиевой лавры, 2003.

,

Примечания

1

Поведение древних христиан во дни воскресные и праздничные. Ростов-на-Дону, 1997.

2

Поведение древних христиан во дни воскресные и праздничные. Ростов-на-Дону, 1997.

3

Там же.

4

Закон Божий. М., 2008.

5

Закон Божий. М., 2008.

6

Там же.