Хрестоматия по истории СССР. Том1.

сваде² ли в пиру явлено³, то тако ему платити по верви ныне⁴ иже ся прикладывають вирою.

ОЖЕ СТАНЕТЬ БЕЗ ВИНЫ НА РАЗБОИ

38. УБИЕНИЕ АНДРЕЯ БОГОЛЮБСКОГО

По «Ипатьевской летописи» «Ипатьевский летописный свод», сохранившийся в списке конца XIV или начала XV века, получил название от костромского Ипатьевского монастыря, где хранился. В нем уделяется внимание событиям южной Руси. Это говорит о южнорусском происхождении «Ипатьевской летописи». «Ипатьевская летопись» издана во втором томе «Полного собрания русских летописей». Были и отдельные издания. Помещаемые ниже отрывки взяты из издания «Летопись по Ипатьевскому списку», изд. Археографической комиссии, СПБ 1871.

И бе у него²³ Яким слуга възлюбленый им, и слыша от некого, аже брата его князь велел казнить, и устремися дьяволим научениемь, и тече²⁴ вопия к братьи своей, к злым съветником… и по-чаша молвити: «день²⁵ того казнил, а нас заутра; а промыслимы²⁶ о князе сем» — и съвещаша убийство на ночь, якоже Июда на господа. И пришедъши нощи, они же устремивьшеся поимавше оружья, поидоша на нь²⁷ яко зверье сверьпии; и идущим им²⁸ к ложници²⁹ его, и прия е³⁰ страх и трепет и бежаша с сений, шедше в медушю и пиша вино; сотона же веселяшеть е[40]в медуши и служа им невидимо, поспевая и крепя е, якоже ся ему обещали бяхуть; и тако упившеся вином поидоша на сени. Началник же убийцам бысть Петр Куцьков² зять, Анбал Ясин³ ключник, Яким Кучькович, а всих неверных убийць 20 числом, иже ся бяху сняли⁴ на оканьный съвет томь дни у Петра у Кучкова зятя. Постигъши бо ночи⁵ суботнии, на память святую апостолу Петра и Павла⁶, вземьше оружье, яко зверье дивии пришедшим им к ложници, идеже блаженый князь Андрей лежить, и рече один, стоя у дверий: «Господине, господине!» И князь рече: «Кто есть?» И он же рече: «Прокопьи⁷». И рече князь: «О паробьче! Не Прокопьи». Они же прискочивше к дверем, слышавше слово княже, и почаша бити в двери, и силою выломиша двери. Блаженый же въскочи, хоте взяти мечь, и не бе ту меча, бе бо том дни вынял и⁸ Амбал ключник его: то бо мечь бяшеть святого Бориса⁹. И въскочиша два окань-ная и ястася¹⁰ с ним, и князь поверже одиного под ся, и мневше князя¹¹ повержена и уязвиша и свой друг¹²: и посем познаша князя и боряхуся с ним велми, бяшеть бо силен, и секоша и меци и саблями и копийныя язвы даша ему. И рече им: «О горе вам, нечестивии! Что уподобитесь Горясеру?¹³ Что вы¹⁴ зло учиних? Аще кровь мою прольясте на земле, да бог отомьстить вы и мой хлеб». Се же нечестивии мневьша его убьена до конца, и въземьше друга своего и несоша вон, трепещющи отъидоша, он же во торопе выскочив по них, и начат ригати и глаголати в болезни сердца, цде под сени. Они же слышавше глас, возворотишася опять на нь. И стоящим им, и рече один: «Стоя видих яко¹⁴ князя идуща с сений долов¹⁶», и рекоша: «Глядайте его», и текоша позоровати¹⁷ его оже нетуть, идеже его отошли¹⁸ убивше; и рекоша: «То ть есме погибохом, вборзе ищете его». И тако вьжегше свещи налезоша и по крови…

Убьен же бысть в суботу на нощь.

И освете заутра в неделю на память 12 апостол¹⁹. Оканьнии же оттуда шедше убиша Прокопья, милостьника²⁰ его; и оттуда идоша на сени²¹, и выимаша золото и каменье дорогое и жемчюг и всяко узорочье²², и до всего любимого имения, и вьскладьше на милостьные[41] коне, послаша до света прочь: а сами въземыпе на ся оружие княже милостьное, почаша совокупити дружину к собе, ркуче: «ци ж да на нас приедуть дружина володимирьская?» И скупиша полк, и послаша к Володимерю: ти что помышляете на нас? а хочем ся с вами коньчати; не нас бо одинех дума, но и о вас суть же в той же думе». И рекоша Володимерьци²; «да кто с вами в думе, то буди вам, а нам ненадобе». И разидошася и вьлегоша грабить, страшно зрети. И тече на место Кузмище Киянин, оли нетуть князя, идеже убьен бысть; и почаша прошати Кузмище: «кде есть убит господин?» И рекоша: «лежить ти выволочен в огород; но не мози имати его, тако ти молвять вси, хочемы и выверечи псом; оже ся кто прииметь по нь, тот нашь есть ворожьбит, а и того убьем». И нача плакати над ним Кузьмище: «господине мой! како еси не очютил скверных и нечестивых пагубоубийственыих ворожьбит своих, идущих к тобе, или како ся еси не домыслил победити их, иногда побежая полки поганых болъгар³?» И тако плакася и. И прииде Амбал ключник, Ясин родом, тот бо ключь держашеть⁴ у всего дому княжа и надовсими волю ему дал бяшеть; и рече възрев на нь Кузмище: «Амбале вороже! сверзи ковер ли что ли, что постьлати или чим прикрыта господина нашего». И рече Амбал: «иди прочь, мы хочемь выверечи псом». И рече Кузмище: «о еретиче! уже псом выверечи? помнишь ли, жидовине, в которых порътех пришел бяшеть? Ты ныне в оксамите⁵ стоиши, а князь наг лежить; но молютися сверьзи ми что любо». И сверже ковер и корзно⁶; и обертев и, и несе и в церковь. И рече: «отомъкнете ми божницю». И рекоша: «порини и ту в притворе, печаль ти им»; уже бо пьяни бяхуть. И рече Кузмище: «Уже тебе, господине, паробьци твои тебе не знають; иногда бо аче и гость приходил из Царя-города, и от иних стран изь Руской земли, и аче латинин⁷, и до всего хрестьянства, и до всее погани⁸, и рече: «въведете и в церковь и на полати, да видять истиньное хрестьянство и кре-стяться»; якоже и бысть, и болгаре и жидове и вся погань, видивше славу Божию и украшение церковъное, и те болма пла-чють по тобе, а сии ни в церковь ни велять вложити». И тако положив и в притворе у божници⁹, прикрыв и корьзномь, и лежа ту 2 дни и ночи. На третий день приде Арьсений игумен святою Кузмы и Демьяна, и рече: «долго нам зревшим на старейшие игумени, и долго сему князю лежати? отомькнете божницю, да отпою над ним, вложимы и в гроб, да коли престанеть злоба си, да тогда пришед из Володимеря и понесуть и тамо». И пришедъше клирошан[42] боголюбьскыи, и вземше и внесоша в божницю, и вложиша и в гроб камен, отпевше над ним погребалное с игуменомь Арсеньемь.

ВОССТАНИЕ В БОГОЛЮБОВЕ И ВЛАДИМИРЕ В 1175 г.

Горожане² же Боголюбьци разграбиша дом княжь и делатели³, иже бяху пришли к делу, золота и серебро, порты⁴ и паволокы⁵, имение, ему же не бе числа; и много зла створися в волости его: посадников и тивунов домы пограбиша, а самех и детские⁶ его и мечникы⁷ избиша, а домы их пограбиша, не ведуще глаголемаго: идеже закон, ту и обид много; грабилиже и ис сел приходяче грабяху. Такоже и Володимери, оли же поча ходити Микулиця⁸ со святою богородицею, в ризах по городу, тождь почаша не грабить……В 6 день, в пятицю, рекоша Володимерце игумену Феодулови и Луце деместьвянику⁹ святое Богородице: «нарядита носилице, ать поедемь возмемь князя великого и господина своего Андрея»; а Микулице рекоша: «събери попы вси, оболокше(ся) в ризы выйдите ж перед Серебреная ворота¹⁰ с святою Богородицею¹¹, ту князя дождеши». И створи тако Феодул игумен святое Богородице володимерьской с крилошаны (и) с володимерце, ехаша по князь во Боголюбов, и вземше тело его привезоша Володимерю, со честью, с плачемь великым. И бысть по мале времени, и цоча выступати стяг¹² от Боголюбого, и людье не могоша ся нимало удержати, но вси вопьяхуть, от слез же не мо-жаху прозрити, и вопль далече бе слышати. И поча весь народ плача молвити: «уже ли Киеву поеха, господине, в ту церковь, теми Золотыми вороты¹³, их же делать послал бяше той церкви на велицемь дворе на Ярославле, а река: «хочю, создати церковь таку же, ака ворота си Золота, да будет память всему отечьству моему»? И тако плакася по немь всь град. Того же лета¹⁴ селящими Ростиславичема¹⁵ в княженьи земля Ростовьскыя, роздаяла беста посадничьства Руськым¹⁶ децькым: они же много тяготу людемь сим створиша продажами и вирами¹⁷; а сама князя млада суща, слушаста бояр, а бояре учахуть на многое имание… И почаша Володимерци молъвити: «мы есмы волная князя прияли к собе, крест целовали на всемь, а си акы не свою волость творита, яко не творячеся у нас седети[43] грабита не токмо волость всю, но и церкви; а промышляйте, братье!» и послашася к Ростовцемь и к Суждальчем, являюще им обиду свою. Они же словом суще по них, а делом суще далече; а бояре князю тою крепко держахуся.