Хрестоматия по истории СССР. Том1.

сердца своего мужеством; наплънився ратного духа, наведе своя храбрая плъкы на землю Половецькую за землю Руськую. Тогда Игорь възре на светлое солнце и виде от него тьмою¹¹ вся своя воя прикрыты И рече Игорь к дружине своей: «Братие и дружино, луце ж бы потяту быти, неже полонену быти; а всядем, братие, на свои бързыя комони, да позрим синего Дону». Спала князю мь похоти и жалость ему знамение заступи искусити Дону великаго: «Хощу бо, рече, копие приломити конець поля Половецкого; с вами, Русици¹², хощу главу свою приложити, а любо испита шеломомь Дону…» Тогда въступи Игорь князь в злат стремень и поеха по чистому полю. Солнце ему тьмою путь заступаше; нощь, стонущи ему грозою, птичь убуди; свист зверин въета близ; Див¹³ кличеть връху древа, велит послушати земли незнаеме, Вълзе¹⁴, и Поморию[45], и Посулию², и Сурожу³, и Корсуню ⁴, и тебе, Тьмутороканьскый блъван⁵. А половцы неготовами дорогами побегоша к Дону великому, Игорь к Дону вой ведет. Уже бо беды его пасеть птиць подурю; влъци грозу въсрожат по яругам; орлы клектом на кости звери зовут; лисици брешут на чръленыя⁶ щиты. О, Русская земле, уже за шеломянем еси. Длъго ночь мрькнет; заря свет запала; мъгла поля покрыла; щекот славий успе, говор галичь убудися. Русичи великая поля чрълеными щиты прегородиша, ищучи себе чти, а князю славы.

С зарания в пятк потопташа поганыя плъкы половецкыя и рассушяся стрелами по полю, помчаша красные девкы половецкыя, а с ними злато, и паволокы⁷ и драгыя оксамитый⁸; орьтъмами и япончицами и кожухы начашя мосты мостити по болотом и грязивым местом и всякими узорочьи половецкыми. Чрьлен стяг, бела хорюговь, чрьлена чолка, сребрено стружие храброму Святъславличю… Другаго дни велми рано кровавыя зори свет поведают; чрьныя тучя с моря идут, хотят прикрыти 4 солнца, а в них трепещуть синий млънии: быти грому великому, итти дождю стрелами с Дону великаго: ту ся копией приламати, ту ся саблям потручяти о шеломы половецкыя, на реце на Каяле, у Дону великого. О, Руская земле, уже за шеломянем еси…

Были вечи Трояни⁹, минула лета Ярославля¹⁰; были плъци Ольговы, Олга Святъславличя¹¹. Тъй бо Олег мечем крамолу коваше и стрелы по земли сеяше. Ступает в злат стремень в граде Тьмуторокане. Тъй же звон слыша давный великый Ярославль, а сын Всеволожь Владимир¹² по вся утра уши закла-даше в Чернигове; Бориса же Вячеславлича¹³ слава на суд при-веде, и на канине¹⁴ зелену паполому постла, за обиду Олгову, храбра и млада князя. С тоя же Каялы Святопълк полелея отца своего междю Угорьскими иноходьцы ко святей Софии¹⁵ к Киеву. Тогда при Олзе Гориславличи¹⁶ сеяшется и растмиеть усобицами, погибаешь жизнь Даждьбожа¹⁷ внука, в княжих крамолах веци человеком скратишася. Тогда по Руской земли ретко ратаеве кикахуть нъ часто врани граяхуть, трупиа себе деляче, а галици свою речь говоряхуть, хотять полетети на уедие.

То было в ты рати и в ты плъкы; а сицей рати не слышано; с зараниа до вечера, с вечера до света летят стрелы каленыя, гримлют сабли о шеломы, трещат копиа харалужныя, в поле незнаеме среди земли Половецкыи. Чръна земля под копыты костьми была посеяна, а кровию польяна, тугою взыдоша по Руской земли.

Что ми шумить, что ми звенить давечя[46] рано пред зорями? Игорь плъкы заворочаеть, жаль бо ему мила брата Всеволода². Бишася день, бишася другый, третьяго дни к полуднию падоша стязи Игоревы. Ту ся брата разлучиста на брезе³ быстрой Каялы; ту кроваваго вина не доста; ту пир докончаша храбрии Русичи: сваты попоиша, а сами полегоша за землю Рускую…. Усобицы князем на поганыя погыбе, рекоста бо брат брату: «се мое, а то мое же». И начяша князи при малое «се великое> млъвити, а сами на себе крамолу ковати. А погании всех стран прихождаху с победами на землю Рускую…

А въстона бо, братие, Киев тугою⁴, а Чернигов напастьми; тоска разлился по Руской земли; печаль жирна⁵ тече среде земли Рускыи. А князи сами на себе крамолу коваху, а погании сами победами нарищуще на Рускую землю, емляху дань по беле⁶ от двора. Тии бо два храбрая Святъславличя Игорь и Всеволод, уже лжу убуди[ста] которою⁷; ту бяше успил отець их Святъславь грозный, великый Киевскый грозою; бяшеть притрепал своими сильными плъкы и харалужными мечи; наступи на землю Половецкую; притопта хлъми и яругы, взмути реки и озеры, иссуши потокы и болота; а поганого Кобяка из луку моря от железных великых плъков половецкых, яко вихр, выторже: и падеся Кобяк в граде Киеве, в гриднице Святъславли. Ту немци и венедици⁸, ту греци и Морава⁹ поют славу Святъславлю, кають князя Игоря, иже погрузи жир¹⁰ во дне Каялы, рекы половецкыя Рускаго злата насыпаша ту. Игорь князь выседе из седла злата, а в седло кощиево. Уныша бо градом забралы¹¹ а веселие пониче. А Святъслав¹² мутен сон виде в Киеве на горах си ночь: «С вечера одевахуть мя, рече чръною паполомою¹³ на кровати тисове[47]; чръпахуть мы синее вино с трудом смешено: сыпахуть ми тъщими тулы² поганых тлъковин великый женчюгь на лоно и негуют мя; уже дъскы без кнеса³ в моем тереме златовръсем; всю нощь с вечера бусови врани възграяху у Плесньска⁴ на болони беша дебрьски сани несошася к синему морю». И ркоша бояре князю: «уже, княже, туга умь полонила: се бо два сокола⁵ слетеста с отня стола злата, поискати града Тьмутороканя, а любо испити шеломомь Дону. Уже соколама крильца припешали поганых саблями, а самаю опуташа в путины железны…» Тогда великый Святъслав изрони злато слово, с слезами смешано, и рече: «О моя сыновчя⁶, Игорю и Всеволоде, рано еста начала Половецкую землю мечи цвелити, а себе славы искати. Нъ нечестно одолеете, нечестно бо кровь поганую про-лияете. Ваю⁷ храбрая сердца в жестоцом харалузе скована, а в буести закалена. Се ли створисте моей сребреней седине«…Нъ рекосте: «Мужаимеся сами, преднюю славу сами похытим, а заднюю си сами поделим. А чи диво ся, братие, стару помолодити? Коли сокол в мытех бываеть, высоко птиць възбиваеть, не даст гнезда своего в обиду. Нъ се зло — княже ми непособие; на ниче ся годины обратиша». Се у[же] Рим ⁸ кричат под саблями половецкими, а Володимир под ранами: туга и тоска сыну Глебову^9.Великый княже Всеволоде¹⁰, не мыслию ти прелетети издалече, отня злата стола поблюсти, — ты бо можеши Волгу веслы раскропити, а Дон шеломы выльяти. Аже бы ты был, то, была бы чага¹¹ по ногате, а кощей¹² по резане¹³. Ты бо можеши посуху живыми шереширы¹⁴ стреляти — удалыми сыны Глебовы. Ты, буй Рюриче и Давыде¹⁵, не ваю ли злачеными шеломы по крови плаваша? не ваю ли храбрая дружина рыкають, акы тури¹⁶ ранены саблями калеными, на поле незнаеме? Вступита, господина, в злата стремень за обиду сего времени, за землю Рускую, за раны Игоревы, буего Святъславлича. Галичкы Осмомысле Ярославе¹⁷, высоко седиши на своем златокованнем столе, подпер горы Угорьскыи¹⁸ своими железными плъкы, заступив королеви¹⁹ путь, затворив Дунаю ворота, меча бремены чрез облакы, суды рядя до Дуная. Грозы твоя по землям текут; отворяеши Киеву врата; стреляши с отня злата стола салтани за землями. Стреляй, господине, Кончака, поганого кощея, за землю Рускую, за раны Игоревы, буего Святъславлича…

0 стонати Руской земли помянувше пръвую годину и пръвых князей. Того стараго Владимира[48]не лзе бе пригвоздити к горам Киевскым: сего бо ныне сташа стязи Рюриковы, а друзии Давидовы, нъ розьно ся им хоботы² пашут. Ярославнын³ глас[ся] слышить, зегзицею⁴ незнаеме рано кычеть: «Полечю, рече, зегзицею по Дунаеви, омочю бебрян рукав в Каяле реце, утру князю кровавыя его раны на жестоцем его теле». Ярославна рано плачет в Путивле на забрале, аркучи: «О, ветре, ветрило, чему, господине, насильно вееши? Чему мычеши хиновьскыя⁵ стрелки на своею нетрудною крилцю⁶ на моея лады вой? Мало ли ти бяшет горе⁷ под облакы веяти, лелеючи корабли на сине море? Чему, господине, мое веселие по ковылию развея?» Ярославна рано плачеть Путивлю городу на забрале, аркучи: «О Днепре Словутицю, ты пробил еси каменныя горы сквозе землю Половецкую; ты лелеял еси на себе Святославли насады⁸, до пълку Кобякова⁹: възлелей, господине, мою ладу к мне, абых не слала к нему слез на море рано». Ярославна рано плачеть в Путивле на забрале, аркучи: «Светлое и тресветлое слънце, всем тепло и красно еси: чему, господине, простре горячюю свою лучю на ладе вой? в поле без-водне жаждею имь лучи¹⁰ съпряже, тугою им тули¹¹ затче?» Прысну море полунощи; идуть сморци¹² мъглами: Игореви князю бог путь кажет из земли Половецкой на землю Рускую к отню злату столу. Погасоша вечеру зари. Игорь спит, Игорь бдит, Игорь мыслию поля мерит от великаго Дону до малаго Донца. Комонь¹³ в полуночи Овлур¹⁴ свисну за