Рече же им Ольга: 'Люба ми есть речь ваша. Уже мъне мужа своего не кресити. Но хощю вы почьстити наутрия пред людьми своими. А ныне идете в лодию свою и лязете в лодии величающеся'. И аз утро посълю по вы; вы же рьцете: 'Не едем на коних, ни пеши идем, Но понесети ны в лодии!' И възнесут вы в лодии. И отъпусти я в лодию. Ольга же повеле (в нощи) ископати яму велику и глубоку На дворе теремьстем въне града (и нажгоша углия дубового). И заутра Ольга, седящи в тереме, посъла по гости. И придоша к ним (люди многие), глаголюще: 'Зоветь вы, Ольга, на чьсть велику!' Они же реша: 'Не едем на коних, ни на возех, ни пеши идем! Но понесете ны в лодии' Реша же кыяне: 'Нам - неволя. Кънязь наш убиен, а кънягыни наша хощеть за ваш кънязь' И понесоша я в лодии. Они же седяху в перегъбех, в великих сустугах, гърдящеся. [Месть за убийство Великого князя] И принесоша я на двор к Ользе, И несъше въринуша я в яму и с лодиею, И приникъши Ольга, рече им: 'Добра ли вы чьсть?' Они же реша: 'Пуще ны Игоревы съмьрти!' И повеле засыпати я живы. И посыпаша я (их) (Рис. 696).
(Татищев: 'Тогда же немедля постави Ольга крепкие заставы, чтобы древляном никто ведомости дать не мог' (с. 44). Во всем остальном В. Н. Татищев дает точный буквальный перевод летописи без дополнений. Быть может, и это пояснение взято историком из имевшейся у него летописи.)
И посълавъши Ольга к Древляном, рече им: 'Да аще мя право просите, то присълите мужа нарочиты. Да в велице чьсти пойду за вашь кънязь. Еда не пустять мене людие кыевьстии?' Се слышавъше Древляне избьраша лучьшая мужа, иже дьржаху Деревьску землю и послаша по ню Древляном же нришьдъшем, повеле Ольга мовь сътворити, рекуще сице: 'Измывъшеся, придете ко мъне!' Они же прежьгоша истъбу (теплое, помещение, баню). И вълезоша Древляне и начата ся мыти, И запьроша истъбу о них, И повеле зажещи я от двьрии, И ту изгореша вьси (Рис. 69в). [Покорение древлян] И посъла к Древляном рекуще сице: 'Се уже иду к вам. Да пристроите меды мъногы у града, идеже убисте мужа моего, Да поплачюся над гробъм его И сътворю тризну мужю своему'. Они же то слышавъше, свезоша меды мъногы зело и възвариша, Ольга же поимъши мало дружины и льгко идущи, Приъде к гробу его и плакася по мужи своемь. И повеле людьм съсути могылу велику И яко съсъпоша, повеле тризну творити Посемь седоша древляне пити. И повеле Ольга отроком своим служити пред ними (а сами да не пиют!) И реша древляне к Ользе; 'Къде суть дружина наша, ихъже посълахом по тя?' Она же рече: 'Идуть по мъне с дружиною мужа моего'. И яко упишася древляне, повеле отроком своим пити на ня, а сама отъиде кроме И повеле дружине сещи древляны И исекоша их 5000. (Рис. 69г). А Ольга възвратися Киеву и пристрой вои на прок их. . . . . . . . . . . . . . . . . . . . . . . . . . . . . . [Мудрые установления Ольги] И възложиша на ня (на Древлян) дань тяжку. И дъве части дани идета Кыеву, а третияя - Вышегороду к Ользе… И иде Ольга по Деревьстей земли с сынъм своимь и с дружиною, уставляющи уставы и урокы. И суть становища ея и ловища. И приде в град свой Кыев с сынъмь своимь Святославъмь и пребывъши лето едино. В лето 6455 (947?) иде Ольга Новугороду И устави по Мъсте погосты и дани, И по Лузе - оброкы и дани,
